Mamlakatimiz uzluksiz ta`lim tizimida Kadrlar tayyorlash milliy dasturini izchil amalga oshirishda jamg`arma zimmasiga yuklatiltgan vazifalarni hamda Jamg`arma tomonidan iste`dodli yosh pedagog va ilmiy kadrlarning malakasini oshirishga yo`naltirilgan tadbirlarni amaldagi qonun va qoidalarga binoan mablag` bilan ta`minlash masalasi ijobiy hal qilib kelinmoqda.
Jamg`arma faoliyati natijalarini amaldagi qonun va qoidalarga binoan taxlil qilinmoqda va buxgaltyeriya hisobi amalga oshirilmoqda, hisobot ma`lumotlari va balans hisob kitoblarining ishonchliligi ta`minlanmoqda.
Jamg`armaning xar yillik xarajatlar smetasi ishlab chiqilmoqda va Boshqaruv yig`ilishidan tasdiqdan o`tkazilmoqda, hamda jamg`arma tomonidan sarf qilinayotgan pul mablag`larining dastur va smeta doirasida maqsadli sarflanishi nazorat qilinmoqda.
Homiylar, shu jumladan halqaro tashkilotlar va jamg`armalar bilan o`zaro hamkorlik aloqalari o`rnatildi, mahalliy va xorijiy sarmoyadorlarning investisiyalari yosh pedagog va ilmiy kadrlar bilimlarini chuqurlashtirish va malakasini oshirish jarayoniga faol jalb qilinmoqda.
Dunyoda e`tirof etilgan nufuzli oliy ta`lim va ilmiy markazlar bilan ilmiy tadqiqotlar va malaka oshirish dasturlari uchun imzolangan shartnomalarni tayyorlashda va tuzishda uning barcha bandlarini tegishli qonunlar doirasida bo`lishini nazorat qilinmoqda va moliyaviy ta`minoti amalga oshirilmoqda.
Jamg`arma xodimlarining mehnat faoliyati darajasini va unumini oshirish maqsadida xodimlarga zarur shart-sharoit va engilliklar yaratildi, hamda ularning mehnat faoliyati natijasiga ko`ra yil davomida rag`batlantirish tizimi yo`lga qo`yildi.
